🌹 ଅନ୍ତର୍ଜାତୀୟ ବନ୍ଧୁତ୍ବ ଦିବସ 🥰

ମାନବ ଜୀବନ ଅଙ୍ଗୁର ସଦୃଶ୍ୟ
ଖଟା ମିଠା କି ଅମୃତ,
ଆନ କେଉଁ କ୍ଷଣ ବିଷ କି ବିଷମ
ସୁଧୀଜନେ ଅନୁଭୂତ ।

ସମାଜ ସଂସାର ଅବା ପରିବାର
ସ୍ନେହ ଶ୍ରଦ୍ଧା ଅନୁରାଗ,
ଚ୍ୟୁତ ବିଚ୍ଯୁତରେ ମାନବ ଜୀବନ
ସତେ କି କୀଟପତଙ୍ଗ !

ସଖା ସହୋଦର ଗ୍ରାମରୁ ନଗର
ଖେଳକୁଦ କି ପଠନ,
ହସ-ଖୁସି ଅବା ସାହାଯ୍ଯ ସୌହାର୍ଦ୍ଦ୍ୟେ
ଗତି କରାନ୍ତି ଜୀବନ ।

ଆଜିକାଲି ବେଳ ଏମନ୍ତ ଯେ’ କାଳ
ସର୍ବ ବନ୍ଧୁ ସମ୍ପଦ’ର,
ବିପଦରେ ସର୍ବେ ଯାଆନ୍ତି ବାହୁଡ଼ି
ସଖା ଶବଦ ବେକାର !

ଶ୍ରୀରାମ ସୁଗ୍ରୀବ ଶ୍ରୀକୃଷ୍ଣ ସୁଦାମ
ସଖାର ଉଦାହରଣ,
ଆହାଃ କି ସୁନ୍ଦର ଭକ୍ତ ଭଗବାନ
ଭରା ହୃଦୟେ ପ୍ରଣାମ ।

ଏ କଳି କାଳରେ ସର୍ବେ ସ୍ବାର୍ଥପର
ଓପରେ ବୋଲନ୍ତି ସାଙ୍ଗ,
କ୍ଷଣଭଙ୍ଗୁରତା ମଧ୍ଯରେ ସମାଜ
ଜୀବନ ହୁଏ ବିଭଙ୍ଗ ।

ବନ୍ଧୁ ବୋଲି ଏବେ ଭାବ ସୁଧୀଜନେ
ଜଗବନ୍ଧୁ ଏକମାତ୍ର,
ସକଳ ବିପଦ ଆପଦେ ସହାୟ
ବିଶ୍ବାସ ଥିଲେ ନିଶ୍ଚିତ ।

ଅନ୍ତର୍ଜାତୀୟ ବନ୍ଧୁତ୍ବ ଦିବସେ
ଅଭିନନ୍ଦନ ବିଶେଷ,
ସ୍ବଚ୍ଛ ଓ ସୁନ୍ଦର ମନ ହୃଦୟରେ
ଭାଳେ ଶମ୍ଭୁନାଥ ଦାସ ।

ଶମ୍ଭୁନାଥ ଦାସ
ସା/କଣ୍ଟିବାଙ୍କ (ପାଲଟପୁର), ମଙ୍ଗଳପୁର
ଯାଜପୁର