ବାରିପଦା,(କ:ବ୍ୟ)ତା୩୧/୦୮/ ଅବସର ଦିନରୁ ହିଁ ପେନସନ୍ ପ୍ରଦାନ କରି ଅବସରପ୍ରାପ୍ତ ଶିକ୍ଷକ ଓ କର୍ମଚାରୀଙ୍କ ପ୍ରତି ସମ୍ମାନ ଓ ସମ୍ବେଦନଶୀଳ ପ୍ରଶାସନର ଏକ ଉଦାହରଣ ସୃଷ୍ଟି କରିଛି ମୟୂରଭଞ୍ଜ ଜିଲ୍ଲା ଶିକ୍ଷା ବିଭାଗ। ଆଜି ୩୧ ଅଗଷ୍ଟ ୨୦୨୬, ଚାକିରିର ଶେଷ ଦିନରେ ଜିଲ୍ଲା ଶିକ୍ଷା ଅଧିକାରୀ, ମୟୂରଭଞ୍ଜଙ୍କ କାର୍ଯ୍ୟାଳୟରେ ଅବସରଗ୍ରହଣ କରୁଥିବା ଶିକ୍ଷକ ଓ କର୍ମଚାରୀମାନଙ୍କୁ ସେମାନଙ୍କ ପେନସନ୍ ପ୍ରଦାନ କରାଯାଇଛି।
ଏହି ଅବସରରେ ଭୁରୁଙ୍ଗାସୋଲ ସରକାରୀ ଉଚ୍ଚ ବିଦ୍ୟାଳୟର ବରିଷ୍ଠ SES ପ୍ରଧାନଶିକ୍ଷକ ସଦାଶିବ ନାୟକ, ଖୁଣ୍ଟାପୁର ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ହିମାଂଶୁ କୁମାର ଘରାଇ, BN ସରକାରୀ ଉଚ୍ଚ ବିଦ୍ୟାଳୟ, ପାଲସମୁଣ୍ଡଳୀର PET ପ୍ରଦୀପ କୁମାର ଦାସ, ଏବଂ ଅନ୍ୟ ଅବସରପ୍ରାପ୍ତ କର୍ମଚାରୀ ନରେନ୍ଦ୍ର ମୋହନ ରାଉତ (ପିଅନ୍, LB ସରକାରୀ ଉଚ୍ଚ ବିଦ୍ୟାଳୟ, ନୁଦାଡିହା), ବସନ୍ତ କୁମାର ଧଳ (କନିଷ୍ଠ କିରାଣୀ, ଧାଟକିଆ ଉଚ୍ଚ ବିଦ୍ୟାଳୟ) ଓ କୁଞ୍ଜଲତା ବିଶୋଇ (ପିଅନ୍, ଶରତଚନ୍ଦ୍ର ବିଦ୍ୟାପୀଠ, ବାରିପଦା)ଙ୍କୁ ପେନସନ୍ ପ୍ରଦାନ କରାଯାଇଥିଲା।
ଅବସରପ୍ରାପ୍ତ ଶିକ୍ଷକ ଓ କର୍ମଚାରୀମାନେ ଦୀର୍ଘ ବର୍ଷ ଧରି ଶିକ୍ଷା ବିଭାଗରେ ନିଷ୍ଠାର ସହ ସେବା ପ୍ରଦାନ କରିଥିବାରୁ ଅବସର ଦିନରେ ହିଁ ସେମାନଙ୍କ ପେନସନ୍ ସୁନିଶ୍ଚିତ କରାଯିବା ପଦକ୍ଷେପକୁ ସ୍ୱାଗତ ଫକରାଯାଇଛି। ଏହା ଦ୍ୱାରା ଅବସର ପରବର୍ତ୍ତୀ ଆର୍ଥିକ ସୁରକ୍ଷା ଓ ସମ୍ମାନଜନକ ଜୀବନଯାପନ ପ୍ରତି ପ୍ରଶାସନର ପ୍ରତିବଦ୍ଧତା ପ୍ରତିଫଳିତ ହୋଇଛି।
ଦୀନବନ୍ଧୁ ବାରିକ
(ମୟୂରଭଞ୍ଜ ଜିଲ୍ଲା ପ୍ରତିନିଧି)