ମୁଣ୍ଡଳୀ, ୧୫ ଜୁନ ୨୦୨୬
ବିଶ୍ୱ ରକ୍ତଦାତା ଦିବସ ଅବସରରେ ୧୫.୦୬.୨୦୨୬ ତାରିଖରେ ୦୩ୟ ବାଟାଲିଅନ୍ ଏନ୍ଡିଆରଏଫ୍, ମୁଣ୍ଡଳୀର ପ୍ୟାରେଡ୍ ଗ୍ରାଉଣ୍ଡରେ ଏକ ରକ୍ତଦାନ ଶପଥ ଗ୍ରହଣ କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏହି ଅବସରରେ ଅଧିକାରୀ ଏବଂ ଜବାନମାନେ ସ୍ୱଇଚ୍ଛିକ ରକ୍ତଦାନକୁ ପ୍ରୋତ୍ସାହନ ଦେବା ଏବଂ ଜୀବନ ରକ୍ଷାରେ ଅବଦାନ ରଖିବା ପାଇଁ ଶପଥ ଗ୍ରହଣ କରିଥିଲେ।
ଏହା ପରେ ମାନବିକ ସେବା ଓ ସାମାଜିକ ଦାୟିତ୍ୱବୋଧର ଭାବନାକୁ ନେଇ ୦୩ୟ ବାଟାଲିଅନ୍, ଜାତୀୟ ବିପର୍ଯ୍ୟୟ ପ୍ରତିକ୍ରିୟା ବଳ (NDRF), ମୁଣ୍ଡଳୀର ଟ୍ରେନିଂ ସେଲ୍ ସ୍ଥିତ SDC ରୁମ୍ରେ ଏକ ସ୍ୱଇଚ୍ଛିକ ରକ୍ତଦାନ ଶିବିର ସଫଳତାର ସହ ଆୟୋଜିତ ହୋଇଥିଲା।
ଏହି କାର୍ଯ୍ୟକ୍ରମ ଶ୍ରୀ ବର୍ଦ୍ଧମାନ ମିଶ୍ର, 2IC/ADM, ୦୩ୟ ବାଟାଲିଅନ୍ ଏନ୍ଡିଆରଏଫ୍ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା। ଡା. ଚିନ୍ମୟ ରଞ୍ଜନ ସ୍ୱାଇଁ, ସହକାରୀ ପ୍ରାଧ୍ୟାପକ ଏବଂ ଏସ୍ସିବି ମେଡିକାଲ କଲେଜ ଓ ହସ୍ପିଟାଲ, କଟକର ଚିକିତ୍ସା ଦଳର ସହଯୋଗରେ ଏହି ଶିବିର ପରିଚାଳିତ ହୋଇଥିଲା।
କାର୍ଯ୍ୟକ୍ରମରେ ଉପସ୍ଥିତ ବାଟାଲିଅନ୍ର ଚିକିତ୍ସା ଅଧିକାରୀମାନେ ହେଲେ –
- ଡା. ନୀରଜ କୁମାର, CMO/SG
- ଡା. ନବୀନ କୁମାର, CMO/OG
- ଡା. ଜେ. ଆଦିତ୍ୟ ରେଡ୍ଡୀ, CMO/OG
ବହୁ ସଂଖ୍ୟକ ଏନ୍ଡିଆରଏଫ୍ କର୍ମଚାରୀ ସ୍ୱଇଚ୍ଛାକୃତ ଭାବେ ରକ୍ତଦାନ କରି ମାନବ ସେବା ଏବଂ ଜୀବନ ରକ୍ଷା ପ୍ରତି ନିଜମାନଙ୍କର ଅଙ୍ଗୀକାରକୁ ପ୍ରଦର୍ଶନ କରିଥିଲେ। ଚିକିତ୍ସା ବିଶେଷଜ୍ଞମାନଙ୍କ ତତ୍ତ୍ୱାବଧାନରେ ଏବଂ ସମସ୍ତ ସୁରକ୍ଷା ନିୟମାବଳୀ ଅନୁସରଣ କରି ଶିବିରଟି ସୁଚାରୁ ରୂପେ ସମ୍ପନ୍ନ ହୋଇଥିଲା।