ରାୟଗଡ଼ା ( କ ବ୍ୟୁ ) : ନାରୀ ଶକ୍ତି ବନ୍ଦନ ଅଧିନିୟମକୁ ସମର୍ଥନ କରି ଏବଂ ବିଧାନମଣ୍ଡଳରେ ମହିଳାମାନଙ୍କ ପାଇଁ ୩୩% ସଂରକ୍ଷଣ ସୁନିଶ୍ଚିତ କରୁଥିବା ଏହି ଐତିହାସିକ ଆଇନ ପକ୍ଷରେ ବିଜେପି ମହିଳା ମୋର୍ଚ୍ଚାର ନେତୃତ୍ୱରେ ରାୟଗଡ଼ା ଜିଲ୍ଲାର ଜିମିଡିପେଟା ବ୍ଲକ୍ ଅନ୍ତର୍ଗତ ପିପିଲିଗୁଡା ପଞ୍ଚାୟତର ଜିମିଡିପେଟାରେ ଏକ ବିଶାଳ ରାଲି ଆୟୋଜିତ ହୋଇଥିଲା।
ଶତାଧିକ ମହିଳା ଉତ୍ସାହର ସହିତ ଏହି ରାଲିରେ ଯୋଗଦେଇ ମହିଳା ସଶକ୍ତିକରଣ ପ୍ରତି ନିଜମାନଙ୍କର ଦୃଢ଼ ସମର୍ଥନ ବ୍ୟକ୍ତ କରିଥିଲେ ଏବଂ ମହିଳା ସଂରକ୍ଷଣ ବିଲ୍କୁ ବିରୋଧ କରୁଥିବା ବିରୋଧୀ ଦଳଙ୍କ ମନୋଭାବକୁ କଠୋର ଭାବେ ନିନ୍ଦା କରିଥିଲେ।
ଏହି କାର୍ଯ୍ୟକ୍ରମରେ ରାୟଗଡ଼ା ଜିଲ୍ଲା ମହିଳା ମୋର୍ଚ୍ଚା ସଭାପତି ଶ୍ରୀମତୀ ରାଜିତା କୋରାଡା ଜୀ, ବରିଷ୍ଠ ବିଜେପି ନେତ୍ରୀ ଶ୍ରୀମତୀ ବିଜୟା ଜୀ, ମୁକୁନ୍ଦପୁର ପ୍ରଭାରୀ ଶ୍ରୀମତୀ ଅଶ୍ୱିନୀ କୋଞ୍ଚାଡା ଜୀ, ଏସଡିସି ଭାଇସ୍ ଚେୟାରପର୍ସନ୍ ଶ୍ରୀମତୀ ମଞ୍ଜୁଳା ମିନିଆକା ଜୀ, ଜିଲ୍ଲା ଏସଟି ମୋର୍ଚ୍ଚା ସଭାପତି ଶ୍ରୀ ବସନ୍ତ ଉଲ୍ଲାକା ଜୀ, କେରଡା ପଞ୍ଚାୟତ ସରପଞ୍ଚ ଶ୍ରୀମତୀ ବିଜୟଲକ୍ଷ୍ମୀ ଜୀ ଏବଂ କୃଷକ ଜିଲ୍ଲା ମୋର୍ଚ୍ଚା ସଭାପତି ଶ୍ରୀ ପ୍ରତାପ ପୁଆଲା ଜୀ ଉପସ୍ଥିତ ଥିଲେ।
ଜିମିଡିପେଟା ବ୍ଲକ୍, ପିପିଲିଗୁଡା ପଞ୍ଚାୟତ ଏବଂ ଟିମିଡିପେଟା ଗ୍ରାମରୁ ବହୁ ସଂଖ୍ୟାରେ ମହିଳାମାନେ ଯୋଗଦେଇ ଏହି ରାଲିକୁ ସଫଳ କରିଥିଲେ ଏବଂ ମହିଳା ନେତୃତ୍ୱ ଓ ପ୍ରତିନିଧିତ୍ୱ ପ୍ରତି ଦୃଢ଼ ଜନସମର୍ଥନର ପରିଚୟ ଦେଇଥିଲେ।
ରାୟଗଡ଼ାରୁ ସୁରେନ୍ଦ୍ର ରଥଙ୍କ ରିପୋର୍ଟ କଳିଙ୍ଗ ପ୍ରଭା