ହାତେ ମାପି ଜନେ ଚାଖଣ୍ଡେ ଚାଲିଲେ
ଆସେନି କେଭେଁ ବିପଦ,
ଆୟ ଦେଖି ବ୍ୟୟ ଯେ’ କରଇ ଜାଣ
ଚଳଣି ତା’ରେ ଆନନ୍ଦ ।
ଆୟ ଠାରୁ ବ୍ୟୟ ହୋଇଲେ ଅଧିକ
ଋଣ-ଚାପ ଗ୍ରସ୍ତେ ଜନ,
ଅଶାନ୍ତି’ରେ ରୋଗ- ବ୍ୟାଧି ରକ୍ତ-ଚାପେ
ବିକଳ ହୁଅଇ ପ୍ରାଣ ।
ଲକ୍ଷ୍ମୀଭାଣ୍ଡେ ଅବା ଡାକଘରେ ଜମା
ବ୍ଯାଙ୍କରେ ଥାଏ ସଞ୍ଚୟ,
ଜରୁରୀକାଳୀନ ବିପଦେ ମେଣ୍ଟାଏ
ସେ’ ଅର୍ଥ ହୋଇ ସହାୟ ।
ଊଣେଇଶ ଶହ ଚଉତିରିଶିରେ
ଇଟାଲୀୟ ପ୍ରଫେସର,
ଫିଲିପୋ ରାଭିଜା ପ୍ରସ୍ତାବ କ୍ରମରେ
ସଞ୍ଚୟନ ମୂଳାଧାର ।
ଏମନ୍ତ ବିଚାର ବିମର୍ଶରେ ଆଜ
ମିତବ୍ୟୟିତା ଦିବସ,
ସାଂସାରିକ କର୍ମେ ହୋଇ ମିତବ୍ୟୟୀ
ଜୀବନ କର ସରସ ।