କଟକ, ତା ୧୮. ୦୭. ୨୦୨୬ ରିଖ : ଦିଲ୍ଲୀ ଓ ଲକ୍ଷ୍ନୌରେ ସମ୍ପ୍ରତି ଘଟିଥିବା ଅଗ୍ନିକାଣ୍ଡ ଘଟଣାକୁ ଦୃଷ୍ଟିରେ ରଖି କଟକ ମହାନଗର ନିଗମ (ସିଏମସି) ଅଞ୍ଚଳରେ ଥିବା ସାର୍ବଜନିନ ସ୍ଥାନଗୁଡ଼ିକରେ ଅଗ୍ନି ନିରାପତ୍ତା ବ୍ୟବସ୍ଥା ନେଇ ଓଡ଼ିଶା ହାଇକୋର୍ଟ ଗୁରୁତ୍ୱ ପ୍ରକାଶ କରିଛନ୍ତି।
ହାଇକୋର୍ଟ ଅତିରିକ୍ତ ଜିଲ୍ଲାପାଳ ତଥା ନୋଡାଲ ଅଫିସର ନୋଡାଲ ଅଫିସର ଶ୍ରୀ କମଲଜିତ ଦାସଙ୍କୁ କୋଚିଂ ସେଣ୍ଟର, ହୋଟେଲ ଏବଂ ଅନ୍ୟାନ୍ୟ ସାର୍ବଜନିନ ସ୍ଥାନରେ ଥିବା ଅଗ୍ନି ନିରାପତ୍ତା ବ୍ୟବସ୍ଥାର ସମୀକ୍ଷା କରି ଏହା ସମ୍ପର୍କରେ ଗ୍ରହଣ କରାଯିବାକୁ ଥିବା ପଦକ୍ଷେପ ବିଷୟରେ ଏକ ବିସ୍ତୃତ ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି।
ଶୁଣାଣି ସମୟରେ ଶ୍ରୀ ଦାସ କୋର୍ଟଙ୍କୁ ଅବଗତ କରାଇଥିଲେ ଯେ, ସମସ୍ତ ସମ୍ପୃକ୍ତ ବିଭାଗ ଓ ଅଂଶୀଦାରଙ୍କଠାରୁ ତଥ୍ୟ ସଂଗ୍ରହ କରି ଏକ ସମନ୍ୱିତ ରିପୋର୍ଟ ପ୍ରସ୍ତୁତ କରାଯିବ। ଏହି ରିପୋର୍ଟରେ ବିଭିନ୍ନ ପ୍ରତିଷ୍ଠାନରେ ଅଗ୍ନି ନିରାପତ୍ତା ନିୟମର ପାଳନ ସ୍ଥିତି, ନିୟମ ଉଲ୍ଲଂଘନ କରୁଥିବା ପ୍ରତିଷ୍ଠାନଗୁଡ଼ିକୁ କେତେ ସମୟ ମଧ୍ୟରେ ଅନୁପାଳନ କରାଯିବ ଏବଂ ଅନୁପାଳନ ନ ହେଲେ କେଉଁ ପଦକ୍ଷେପ ଗ୍ରହଣ କରାଯିବ, ସେ ସମ୍ପର୍କରେ ସ୍ପଷ୍ଟ ଉଲ୍ଲେଖ ରହିବ।
ଜିଲ୍ଲାର ପ୍ରଶାସନର ଆଭିମୁଖ୍ୟ ନେଇ ଅତିରିକ୍ତ ଜିଲ୍ଲାପାଳ ତଥା ନୋଡାଲ ଅଧିକାରୀ ଶ୍ରୀ ଦାସଙ୍କ ସକ୍ରିୟ ପଦକ୍ଷେପକୁ ଜଷ୍ଟିସ କେ. ଆର. ମହାପାତ୍ର ଓ ଜଷ୍ଟିସ ଭି. ନରସିଂହଙ୍କୁ ନେଇ ଖଣ୍ଡପୀଠ ପ୍ରଶଂସା କରିଛନ୍ତି। ପ୍ରସ୍ତାବିତ ପଦକ୍ଷେପଗୁଡ଼ିକ ଅଗ୍ନି ନିରାପତ୍ତା ବ୍ୟବସ୍ଥାକୁ ଆହୁରି ସୁଦୃଢ଼ କରିବା ସହିତ ମୂଲ୍ୟବାନ ମାନବ ଜୀବନର ସୁରକ୍ଷାରେ ଫଳପ୍ରଦ ହେବ ବୋଲି ନ୍ୟାୟାଳୟ ଆଶା ପ୍ରକାଶ କରିଛନ୍ତି।
ଏହି ମାମଲାର ପରବର୍ତ୍ତୀ ଶୁଣାଣି ୩୦ ଜୁଲାଇ ୨୦୨୬ରେ ହେବ।