🍎 ଜାତୀୟ ଆପେଲ ଦିବସ 🍏 National Apple Day > 21st Oct:

ଆମ୍ବ ପଣସ କି କମଳା କଦଳୀ
ଅମୃତଭଣ୍ଡା ଅଙ୍ଗୁର,
ପିଜୁଳି ସପୁରି କାଜୁ ଓ ଖଜୁରି
ମିଠା-ଫଳ’ର ସମ୍ଭାର ।

ସକଳ ପ୍ରକାର ସ୍ବାଦିଷ୍ଟ ଫଳରେ
ଆପେଲ ବେଶି ଆଦର,
ବାରି ବଗିଚା କି ଉଦ୍ଯାନେ ଫଳନ
ଫଳ-ଚାଷୀଙ୍କ ବେପାର ।

ଜଳ ମୃତ୍ତିକା ଓ ଆଲୋକ ସହିତ
ଜଳବାୟୁର ପ୍ରଭାବ,
ଲୁଣି ପବନରେ ନଡ଼ିଆ ଯେମନ୍ତ
ବାଲିମାଟିରେ ବାଦାମ ।

ମାଟିର ପ୍ରକାର- ଭେଦ ବିନ୍ୟାସରେ
ନାତିଶୀତୋଷ୍ଣ ମଣ୍ଡଳ,
ଫଳ ଉତ୍ପାଦନେ ସୁସ୍ଥ ଅନୁକୂଳ
ଜାମ୍ମୁ-କାଶ୍ମୀର ଆପେଲ ।

ରୋଗୀ’ଠାରୁ ଭୋଗୀ ଆପେଲ ଖାଇବା
ଅବା ତା’ ରସ ପାନୀୟ,
ସ୍ବାଦିଷ୍ଟ ସନ୍ତୁଷ୍ଟ ନିରୋଗ ଆରାମ
ଜନ ଲଭେ ନିରାମୟ ।

କାଶ୍ମୀର’ର ଜଳ – ବାୟୁରେ ପ୍ରବଳ
ହେଉଥାଏ ଉତ୍ପାଦନ,
ଆମ ଭାରତର ଫଳ-ଭଣ୍ଡାର ଯେ’
ସାରା ଦେଶକୁ ଯୋଗାଣ ।

ଅକ୍ଟୋବର ମାସ ଏକୋଇଶ ଦିନ
ଜାତୀୟାପେଲ ଦିବସ,
ଆପେଲ ପରିକା ମିଠା ହେଉ ଜନ
ମନ-ହୃଦୟ ସରସ ।

ଶମ୍ଭୁନାଥ ଦାସ / କୋଲକାତା
Jatiya Pragati Abhiyan (Society)
Kolkata & Odisha