🌏 ବିଶ୍ବ ତୁଳା (ସୂତା) ଦିବସ🥼 World Cotton Day✍️7th Oct:

ସୃଷ୍ଟିକର୍ତ୍ତା’ଙ୍କର ବିଚିତ୍ର ସୃଷ୍ଟିରେ
ଶୁଭ ମାନବ ଜୀବନ,
ସୃଷ୍ଟି ଗନ୍ତାଘରେ ତା’ ପାଇଁ ଆଚ୍ଛନ୍ନ
ଜୀବଜଗତ ଶୋଭନ ।

ବ୍ଯବହାର ସାଥେ ଉପଭୋଗ ସତେ
ଜନ-ଜୀବନର ମୋହ,
ପ୍ରଥମାବସ୍ଥାରେ ମୌଳିକ ଚାହିଦା
ଖାଦ୍ୟ ବସ୍ତ୍ର ବାସଗୃହ ।

ବଞ୍ଚିବାକୁ ଖାଦ୍ୟ ରହିବାକୁ ଘର
ଲଜ୍ଯା ନିବାରଣେ ବସ୍ତ୍ର,
କ୍ରମଶଃ ସକଳ ସୌଖୀନତା ସାଥେ
ବସ୍ତ୍ରାଦି ବଡ଼ ବିଚିତ୍ର !

ଲୁଗାପଟା’ଠାରୁ ଗଦି ଓ ବିଛଣା
ତମ୍ବୁ ପାଲ କି ଆସନ,
ଥଳି ବା କୋଥଳି ନିତ୍ଯ ବ୍ଯବହାର୍ଯ୍ଯେ
ତୁଳା-ସୂତା ପ୍ରୟୋଜନ ।

ଶିମିଳି ଓ କପା ଗଛରୁ ଉତ୍ପନ୍ନ
ତୁଳା ସୂତା କଞ୍ଚାମାଲ,
ଚାଷୀମାନେ ଏହି ଚାଷରୁ ହୁଅନ୍ତି
ରୋଜଗାରେ ମାଲେମାଲ ।

ଚାଷ ବ୍ଯବସାୟ ବାଣିଜ୍ଯ ପର୍ଯ୍ୟନ୍ତ
ତୁଳା ବଡ଼ ଅର୍ଥକର,
ତୁଳାରୁ ଯେ’ ସୂତା ସୂତାରୁ ବସ୍ତ୍ରାଦି
ଶିଳ୍ପରେ ଦେଶ ସୁଦୃଢ଼ ।

କର୍ମ ନିଯୁକ୍ତିରେ ବୟନ-ଶିଳ୍ପର
ଭୂମିକାରେ ଉଚ୍ଚ ସ୍ଥାନ,
ଦେଶ ଓ ଜାତିର ଆର୍ଥିକ ବିକାଶ
ସଭ୍ୟତାର ଉତ୍ତୋଳନ ।

ଦେବ ଆରାଧନ ତୁଳା-ସଳିତାରେ
ରୋଗୀର ତୁଳା ବ୍ଯାଣ୍ଡେଜ,
ଉତ୍ସବ ସଜ୍ଜିତ ରଙ୍ଗୀନ କପଡ଼ା
ତୂଳୀ-ତଳ୍ପାୟନ ସଜ ।

ରେଶମ ପଶମ ବସ୍ତ୍ରେ ଚର୍ମରୋଗ
ସୂତା-ବସ୍ତ୍ରେ ଦେହ ହିତ,
ରୁମାଲ କି ଛତା ସୂତାରେ ଆରାମ
ପ୍ଲାଷ୍ଟିକ କିନ୍ତୁ ଦୂଷିତ ।

ଲକ୍ଷାଧିକ ବସ୍ତ୍ର – ଶିଳ୍ପ କାରଖାନା
ସାରା ବିଶ୍ବେ ପ୍ରତିଷ୍ଠିତ,
ଚାଷୀ ଶିଳ୍ପପତି ସର୍ବ ପ୍ରୋତ୍ସାହନେ
ସର୍କାରୀ ବ୍ଯବସ୍ଥାପିତ ।

ଅକ୍ଟୋବର ସାତ ନିର୍ଦ୍ଧାରଣେ ବିଶ୍ବ
ତୁଳା-ସୂତା’ର ଦିବସ,
ଦି’ ହଜାର ଊନ- ବିଂଶରୁ ପାଳିତ
ଜାତିସଂଘେ ସୁପାରିଶ ।

ଶୁଭ୍ର ଓ କୋମଳ ତୁଳାର ଭୂମିକା
ବିଶ୍ବାର୍ଥନୀତି ବିକାଶ,
ସ୍ବଚ୍ଛ ଓ ନିର୍ମଳ ହୃଦୟେ ବର୍ଣ୍ଣନା
କରେ ଶମ୍ଭୁନାଥ ଦାସ ।

ଶମ୍ଭୁନାଥ ଦାସ କୋଲକାତା
Jatiya Pragati Abhiyan (Society)
Kolkata & Odisha