ରାଜଗାଙ୍ଗପୁର (କ.ବ୍ୟୁ.) ଶନିବାର, ଅଗଷ୍ଟ ୧୫, ୨୦୨୬, : ରାଜଗାଙ୍ଗପୁରର ବିଭିନ୍ନ ସ୍ଥାନରେ ୮୦ତମ ସ୍ୱାଧୀନତା ଦିବସ ପାଳନ କରାଯାଇଅଛି । ରାଜଗାଙ୍ଗପୁର ପ୍ରେସ୍ କ୍ଲବର ସାମ୍ବାଦିକମାନେ ସକାଳ ୮ଟାରେ ରାଜଗାଙ୍ଗପୁରର ଦୁର୍ଗା ମନ୍ଦିର ରୋଡ୍ ନିକଟରେ ଜାତୀୟ ପତାକା ଉତ୍ତୋଳନ କରିଥିଲେ। ଜାତୀୟ ପତାକା ଉତ୍ତୋଳନ କରିବା ପରେ, ସମସ୍ତେ ଜାତୀୟ ସଙ୍ଗୀତ ଗାନ କରିଥିଲେ ଏବଂ ସ୍ୱାଧୀନତା ଦିବସର ତାତ୍ପର୍ଯ୍ୟ ଉପରେ ସେମାନଙ୍କର ମତାମତ ପ୍ରକାଶ କରିଥିଲେ। ଉପସ୍ଥିତ ସମସ୍ତ କ୍ଲବ୍ ସଦସ୍ୟ ସ୍ୱାଧୀନତା ଦିବସର ଗୁରୁତ୍ୱ ଉପରେ ଆଲୋକପାତ କରିଥିଲେ ଏବଂ ସ୍ୱାଧୀନତା ସଂଗ୍ରାମୀଙ୍କ ବଳିଦାନକୁ ମନେ ପକାଇଥିଲେ। ଏହି ଅବସରରେ, ସହରର ସମସ୍ତ ସରକାରୀ ଏବଂ ବେସରକାରୀ କାର୍ଯ୍ୟାଳୟରେ ତ୍ରିରଙ୍ଗା ଉତୋଳନ କରାଯାଇଥିଲା। ସେହିପରି ରାଜଗାଙ୍ଗପୁର ପୋଲିସ ଷ୍ଟେସନ ପରିସର, ମଦ୍ରାସା ରିଜଭିଆ, ବସ୍ ଷ୍ଟାଣ୍ଡ, ଇନ୍ଦିରା ଚୌକ ଏବଂ ରସିଦ ଚୌକରେ ମଧ୍ୟ ପତାକା ଉତ୍ତୋଳନ କରାଯାଇଥିଲା।ଚଳିତ ବର୍ଷର ୮୦ତମ ସ୍ୱାଧୀନତା ଦିବସ ପାଳନର ମୁଖ୍ୟ ବିଷୟବସ୍ତୁ ହେଉଛି “ବନ୍ଦେ ମାତରମର ୧୫୦ ବର୍ଷ” ଏବଂ “୨୦୪୭ ମସିହାରେ ଏକ ବିକଶିତ ଭାରତ ପାଇଁ ଯୁବ ଶକ୍ତି”।
ସେହିପରି ସକାଳ ୮:୩୦ ଘଟିକା ସମୟରେ ରାଜଗାଙ୍ଗପୁର ପୌରପାଳିକା କାର୍ଯ୍ୟାଳୟରେ ସ୍ଥାନୀୟ ପୌରପାଳିକା ଅଧ୍ୟକ୍ଷା ମାଧୁରୀ ଲୁଗୁନ ଜାତୀୟ ପତାକା ଉତ୍ତୋଳନ କରିଥିଲେ ଏବଂ ସକାଳ ୯:୦୦ ଘଟିକା ରେ ରାଜଗାଙ୍ଗପୁରର ଫୁଟବଲ୍ ଗ୍ରାଉଣ୍ଡ କମ୍ପ୍ଲେକ୍ସରେ ପତାକା ଉତ୍ତୋଳନ ଉତ୍ସବ ଅନୁଷ୍ଠିତ ହୋଇଥିଲା। ବର୍ଷା ଯୋଗୁଁ ସ୍ୱାଧୀନତା ଦିବସ ପାଳନରେ ବାଧା ସୃଷ୍ଟି ହୋଇଥିଲା ଏବଂ ଏହା ସଠିକ୍ ଭାବରେ ଅନୁଷ୍ଠିତ ହୋଇପାରିନଥିଲା।
(ରାଜଗାଙ୍ଗପୁରରୁ ଅବଦୁଲ ରଜାକ ଖାନଙ୍କ ରିପୋର୍ଟ )