ରାଜଗାଙ୍ଗପୁର (କ.ବ୍ୟୁ.) : ବୁଧବାର, ଅଗଷ୍ଟ ୫, ୨୦୨୬, ସନ୍ଧ୍ୟା ୫ଘଟିକାରେ, ଆଗାମୀ ସେପ୍ଟେମ୍ବର ୧୪ ତାରିଖରୁ ଆରମ୍ଭ ହେଉଥିବା ଗଣେଶ ଚତୁର୍ଥୀ ମହୋତ୍ସବ ସମ୍ପର୍କରେ ରାଜଗାଙ୍ଗପୁର ଥାନା ପରିସରରେ ଏକ ଶାନ୍ତି କମିଟିର ବୈଠକ ଅନୁଷ୍ଠିତ ହୋଇଯାଇଅଛି । ଉକ୍ତ ବୈଠକରେ ସୁନ୍ଦରଗଡ଼ ସବ-କଲେକ୍ଟର ତେଜସ୍ୱନୀ ବେହେରା, ମହେନ୍ଦ୍ର ମୁର୍ମୁ, ରାଜଗାଙ୍ଗପୁର ତହସିଲଦାର ଜଗବନ୍ଧୁ ମଲ୍ଲିକ, ବ୍ଲକ ଅଧିକାରୀ ଅକ୍ଷୟ କୁମାର ବାଗ, ଏସଡିପିଓ ବିଭୂତି ଭୂଷଣ ଭୋଇ, ସ୍ଥାନୀୟ ଥାନା ଭାରପ୍ରାପ୍ତ ଅଧିକାରୀ ବିଜୟ କିଶୋର ଦାସ, ପୌରକାର୍ଯ୍ୟନିର୍ବାହୀ ଅଧିକାରୀ ଗୋବିନ୍ଦ ଦଣ୍ଡସେନା, ସ୍ଥାନୀୟ ପୌରଅଧ୍ୟକ୍ଷା ମାଧୁରୀ ଲୁଗୁନ୍, ଉପ-ଆଞ୍ଚଳିକ ପ୍ରଦୂଷଣ ନିୟନ୍ତ୍ରଣ ଅଧିକାରୀ ରଜତ କୁମାର ସେଠୀ, ଟାଟା ପାୱାର ବିଦ୍ୟୁତ୍ ବିଭାଗ ଏସଡିଓ ସଞ୍ଜୀବ ମହାନ୍ତି ଏବଂ ଶ୍ରୀ ଶ୍ରୀ ସାର୍ବଜନୀନ ଗଣେଶ ପୂଜା କମିଟିର ସଭାପତି ରମେଶ ଅଗ୍ରୱାଲଙ୍କ ଉପସ୍ଥିତିରେ ଏହି ବୈଠକ ଅନୁଷ୍ଠିତ ହୋଇଥିଲା ।
ଏହି ବୈଠକ ରେ ସବ-କଲେକ୍ଟର କହିଛନ୍ତି ଯେ ଆଗାମୀ ଶ୍ରୀ ଗଣେଶ ଚତୁର୍ଥୀକୁ ଦୃଷ୍ଟିରେ ରଖି ରାଜଗାଙ୍ଗପୁର ପୋଲିସ ଷ୍ଟେସନ ଅଞ୍ଚଳର ସମସ୍ତ ଆୟୋଜକଙ୍କ ସହିତ ଏକ ବୈଠକ ଅନୁଷ୍ଠିତ ହୋଇଥିଲା। ବୈଠକରେ ଶ୍ରୀ ଗଣେଶ ଚତୁର୍ଥୀ କାର୍ଯ୍ୟକ୍ରମ ସହିତ ଜଡିତ କମିଟିର ସଭାପତି ଏବଂ ସଦସ୍ୟମାନଙ୍କୁ କୁହାଗଲା ଯେ ଶ୍ରୀ ଗଣେଶ ଚତୁର୍ଥୀ ପର୍ବକୁ ଶାନ୍ତିପୂର୍ଣ୍ଣ ପରିବେଶରେ ପାଳନ କରାଯିବା ଉଚିତ । ସ୍ଥାନୀୟ ଥାନା ପ୍ରଭାରି ବିଜୟ କିଶୋର ଦାସ କହିଛନ୍ତି ଯେ ସମସ୍ତ ମଣ୍ଡପରେ ସିସିଟିଭି ଲଗାଯିବ ଏବଂ ଡିଜେ ଏବଂ ଧମାଲ ଉପରେ ସମ୍ପୂର୍ଣ୍ଣ ନିଷେଧ ରହିବ ଏବଂ ପ୍ରଶାସନକୁ ସହଯୋଗ କରିବାକୁ ସମସ୍ତଙ୍କୁ ନିବେଦନ କରାଯାଇଛି ।
ଗଣେଶ ମହୋତ୍ସବ ପାଳନ ସମ୍ପର୍କରେ ଅନେକ ବିଷୟ ଉପରେ ଆଲୋଚନା କରାଯାଇଥିଲା ଏବଂ ପୂଜା ଉତ୍ସବକୁ ସୌହାର୍ଦ୍ଦ୍ୟପୂର୍ଣ୍ଣ, ଶାନ୍ତିପୂର୍ଣ୍ଣ ଏବଂ ଭାଇଚାରାର ସହିତ ପାଳନ କରିବାକୁ ନିବେଦନ କରାଯାଇଥିଲା। ଏଥିପାଇଁ ପୂଜା କମିଟିଠାରୁ ମଧ୍ୟ ସହଯୋଗ ଆଶା କରାଯାଇଛି। ଏହି ଅବସରରେ, ବିଜେପିର ନଗର ମଣ୍ଡଳ ସଭାପତି ରାଜେନ ସୋନି, ସନ୍ଦୀପ ଦାସ, ଶେଖର ଦଧିଚି, ଟାଟା ପାୱାର ବିଦ୍ୟୁତ ବିଭାଗର ଜେଇ, ପାନୀୟ ଜଳ ବିଭାଗର କନିଷ୍ଠ ଯନ୍ତ୍ରୀ , ୱାର୍ଡ କାଉନସିଲର, ଅଞ୍ଚଳର ଗଣେଶ ପୂଜା କମିଟିର ସଭାପତି ଏବଂ ସଦସ୍ୟଙ୍କ ସହିତ ବିଭିନ୍ନ ସମ୍ପ୍ରଦାୟର ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ। ଶାନ୍ତି କମିଟି ବୈଠକରେ ଏସଡିପିଓ ବିଭୂତି ଭୂଷଣ ଭୋଇ କହିଥିଲେ ଯେ ପୁରଣା ରୁଟ ବ୍ୟବହାର କରି ପ୍ରତିମା ବିସର୍ଜନ କରାଯିବ ଯଥା ସ୍ଥାନୀୟ ବସ୍ ଷ୍ଟାଣ୍ଡରୁ ଆରମ୍ଭ କରି ଇନ୍ଦିରା ଚୌକ, ସୁଭାଷ ଚୌକ, ନାୟାର ଚୌକ, ଓସିଏଲ କଲୋନି ଦେଇ ଲିପଲୋଇ ପହଞ୍ଚି ପ୍ରତିମା ବିସର୍ଜନ କରାଯିବ ପାଇଁ ନିଷ୍ପତି ନିଆଗଲା , ଓ ରୀତିନୀତି ଅନୁଯାୟୀ ଆଗାମୀ ସେପ୍ଟେମ୍ବର ୨୨ ତାରିଖରେ ଭଗବାନ ଗଣେଶଙ୍କ ପ୍ରତିମା ବିସର୍ଜନ କରାଯିବ।
(ରାଜଗାଙ୍ଗପୁରରୁ ଅବଦୁଲ ରଜାକ ଖାନଙ୍କ ରିପୋର୍ଟ )