ରାଜଗାଙ୍ଗପୁର (କ.ବ୍ୟୁ) : ରାଜଗାଙ୍ଗପୁର ଅବସ୍ଥିତ ନିର୍ମଳା ଇଂରାଜୀ ବିଦ୍ୟାଳୟର ଚଳିତ ବର୍ଷ ମାଟ୍ରିକ (ICSE) ଏବଂ ମଧ୍ୟମିକ ପରୀକ୍ଷାରେ ୧୦୦% ଫଳାଫଳ ହାସଲ କରିଛି। ଫଳାଫଳ ଘୋଷଣା ହେବା ମାତ୍ରେ ସ୍କୁଲ କ୍ୟାମ୍ପସରେ ଆନନ୍ଦ ଏବଂ ଉତ୍ସାହରେ ପରିପୂର୍ଣ୍ଣ ହୋଇଯାଇଥିଲା। ଛାତ୍ରଛାତ୍ରୀମାନେ ସେମାନଙ୍କର ଉତ୍କୃଷ୍ଟ ପ୍ରଦର୍ଶନ ସହିତ ସ୍କୁଲକୁ ଗୌରବ ଆଣିଛନ୍ତି। ମାଧ୍ଯମିକ ବିଜ୍ଞାନ ଷ୍ଟ୍ରିମରେ, ଅଶୀମରାଜ ଗୁରିଆ ୯୬ % ମାର୍କ ସହିତ ପ୍ରଥମ ସ୍ଥାନ ଅଧିକାର କରିଛନ୍ତି। ତନ୍ମୟୀ ଗ୍ରେସି ଏକ୍କା ୯୦.୫୦% ମାର୍କ ସହିତ ଦ୍ୱିତୀୟସ୍ଥାନ ଅଧିକାର କରିଛନ୍ତି, ଏବଂ ଦୀପିକା ଡୁଙ୍ଗଡୁଙ୍ଗ ୮୮.୨୫ % ମାର୍କ ସହିତ ତୃତୀୟ ସ୍ଥାନ ଅଧିକାର କରିଛନ୍ତି। ସେହିପରି ମାଧ୍ଯମିକ ବାଣିଜ୍ୟ ଷ୍ଟ୍ରିମରେ, ଗର୍ଭ ଅଗ୍ରୱାଲ ୯୯% ଅଙ୍କ ସହିତ ପ୍ରଥମ ସ୍ଥାନ ଅଧିକାର କରିଛନ୍ତି। ପ୍ରଥମେଶ ଗାଡୋଡିଆ 98.25% ମାର୍କ ସହିତ ଦ୍ୱିତୀୟ ସ୍ଥାନ ଅଧିକାର କରିଛନ୍ତି, ଏବଂ ସ୍ନେହଲ ସାହୁ ୯୧.୭୫% ମାର୍କ ସହିତ ତୃତୀୟ ସ୍ଥାନ ଅଧିକାର କରିଛନ୍ତି। ମାଟ୍ରିକ (ICSE) ପରୀକ୍ଷାରେ ଫାତିମା ନିର୍ମଳା ଇଂରାଜୀ ବିଦ୍ୟାଳୟର ଛାତ୍ରମାନେ ଉତ୍କର୍ଷ ପ୍ରଦର୍ଶନ କରିଛନ୍ତି। କୌସର ୯୨.୪୦% ମାର୍କ ସହିତ ପ୍ରଥମ ସ୍ଥାନ ଅଧିକାର କରିଛନ୍ତି , ଅନନ୍ୟା ଅଗ୍ରୱାଲ ୯୧.୪୦% ନମ୍ବର ସହିତ ଦ୍ୱିତୀୟ ସ୍ଥାନ ଅଧିକାର କରିଛନ୍ତି ଏବଂ ସୁମିତ ରାୟ ୮୯.୨୦% ନମ୍ବର ସହିତ ତୃତୀୟ ସ୍ଥାନ ଅଧିକାର କରିଛନ୍ତି। ସ୍କୁଲର ପ୍ରିନ୍ସିପାଲ୍ ସିଷ୍ଟର ବର୍ନାଡେଟ୍ ଛାତ୍ରଛାତ୍ରୀମାନଙ୍କୁ ଅଭିନନ୍ଦନ ଜଣାଇବା ସହିତ ସେମାନଙ୍କର ଉଜ୍ଜ୍ୱଳ ଭବିଷ୍ୟତ କାମନା କରିଛନ୍ତି। ସେ କହିଛନ୍ତି ଯେ ଛାତ୍ରଛାତ୍ରୀମାନଙ୍କ କଠିନ ପରିଶ୍ରମ, ଶିକ୍ଷକମାନଙ୍କ ମାର୍ଗଦର୍ଶନ ଏବଂ ଅଭିଭାବକମାନଙ୍କ ସମର୍ଥନ ଯୋଗୁଁ ଏହି ସଫଳତା ସମ୍ଭବ ହୋଇପାରିଛି।
(ରାଜଗାଙ୍ଗପୁରରୁ ଅବଦୁଲ ରଜାକ ଖାନଙ୍କ ରିପୋର୍ଟ )