ରାୟଗଡ-(ଅଜୟ ରଥ)-ରାୟଗଡ ପି.ଏମ୍.ଶ୍ରୀ କେନ୍ଦ୍ରୀୟ ବିଦ୍ୟାଳୟ ପରିସରରେ ଉତ୍ସବମୟ ପରିବେଶରେ ସଙ୍କୁଳ ସ୍ତରୀୟ ଏକତା ପର୍ବ – ୨୦୨୫ ଆୟୋଜିତ ହୋଇଥିଲା। ବିଦ୍ୟାଳୟର ପ୍ରଧାନାଚାର୍ୟ ଶ୍ରୀଯୁକ୍ତ ରାଜା ରାମଙ୍କ ପୌରହିତ୍ୟରେ ଆୟୋଜିତ ଏହି କାର୍ଯ୍ୟକ୍ରମରେ ରାୟଗଡ଼ା ଜିଲ୍ଲାର ଡି.ଆର୍.ଏମ୍. ଶ୍ରୀଯୁକ୍ତ ଅମିତାବ ସିଙ୍ଘଲ ମୁଖ୍ୟ ଅତିଥି ଭାବେ ଯୋଗଦେଇ ଦୀପପ୍ରଜ୍ୱଳନ କରି ଉତ୍ସବର ଶୁଭାରମ୍ଭ କରିଥିଲେ।
ବିଦ୍ୟାଳୟର ବରିଷ୍ଠ ଅଧ୍ୟାପକ ଡ଼. ରମେଶ ଚନ୍ଦ୍ର ସାହୁ ସ୍ବାଗତ ଭାଷଣ ଦେଇ କଳା ଉତ୍ସବର ଉଦ୍ଦେଶ୍ୟ ଓ କାର୍ଯ୍ୟସୂଚୀକୁ ପ୍ରସ୍ତୁତ କରିଥିଲେ। କଳାକାରମାନଙ୍କ ପ୍ରଦର୍ଶନକୁ ବିଚାରାଧୀନ କରିବା ପାଇଁ ୬ ଜଣ ବିଶିଷ୍ଟ ବିଚାରପତିଙ୍କୁ ଆମନ୍ତ୍ରଣ କରାଯାଇଥିଲା।
ଏହି ଉତ୍ସବରେ ପି.ଏମ୍.ଶ୍ରୀ କେନ୍ଦ୍ରୀୟ ବିଦ୍ୟାଳୟ, ରାୟଗଡ଼ା ସହିତ ଗୁଣୁପୁର, କୋରାପୁଟ, ସୁନାବେଡ଼ା, ଗଜପତି, ନବରଙ୍ଗପୁର ଓ ମାଲକାନଗିରି କେନ୍ଦ୍ରୀୟ ବିଦ୍ୟାଳୟରୁ ୨୦୦ରୁ ଅଧିକ ଛାତ୍ରଛାତ୍ରୀ ଓ ସେମାନଙ୍କ ଏସ୍କଟ ଶିକ୍ଷକମାନେ ଯୋଗଦେଇଥିଲେ। ନାଚ, ସଙ୍ଗୀତ, ଚିତ୍ରାଙ୍କନ ଇତ୍ୟାଦି ମାଧ୍ୟମରେ ଛାତ୍ରଛାତ୍ରୀମାନେ ନିଜ କଳାକୌଶଳ ପ୍ରଦର୍ଶନ କରିଥିଲେ।
ଶେଷରେ ପ୍ରଧାନାଚାର୍ୟ ଓ ମୁଖ୍ୟଅତିଥିଙ୍କ ହସ୍ତରେ ପୁରସ୍କାର ବଣ୍ଟନ କରାଯାଇଥିଲା। ମଞ୍ଚ ପରିଚାଳନାରେ ଶ୍ରୀଯୁକ୍ତ ମାୟାଧର ବିଶୋଇଙ୍କ ନେତୃତ୍ୱରେ ଶ୍ରୀ ବିଷ୍ଣୁ ଶେଖର, ଶ୍ରୀ କ୍ରିଷ୍ଣା ବରାଇ ଓ ଶ୍ରୀ ଅଶୋକ କୁମାର ଲାବଲା ସହଭାଗୀ ହୋଇଥିଲେ। ବିଦ୍ୟାଳୟର କଳାଶିକ୍ଷକ ଓ ଅନ୍ୟାନ୍ୟ ଶିକ୍ଷକ-ଶିକ୍ଷୟିତ୍ରୀମାନଙ୍କ ସକ୍ରିୟ ସହଭାଗୀତାରେ କଳାଉତ୍ସବଟି ସଫଳତାର ସହିତ ସମ୍ପାଦିତ ହୋଇଥିଲା।
କାର୍ଯ୍ୟକ୍ରମର ଶେଷରେ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ ଆନନ୍ଦ ନାଗ ଧନ୍ୟବାଦ ଜଣାଇ ରାଷ୍ଟ୍ରଗାନ ସହିତ ସମାପନ ଘୋଷଣା କରିଥିଲେ