ଅନୁଗୋଳ, ୨୦/୦୯/୨୦୨୬: ଭାରତୀୟ ଯୋଗ ସଂସ୍ଥାନ, ଅନୁଗୋଳ ଯୋଗ ଜିଲ୍ଲା ତରଫରୁ ଯୋଗ ମହୋତ୍ସବ କାର୍ଯ୍ୟକ୍ରମ ଉପଲକ୍ଷେ ଏକ ଭବ୍ୟ ପ୍ରଭାତଫେରୀ ଅନୁଷ୍ଠିତ ହୋଇଯାଇଛି। ତୁରଙ୍ଗ ସ୍ଥିତ ଶୀତଲ ବିହାର ସୋସାଇଟି ପରିସରରେ ଆୟୋଜିତ ଏହି କାର୍ଯ୍ୟକ୍ରମରେ ସୋସାଇଟିର ଗଳି ଗଳି ପରିକ୍ରମା କରି ଲୋକମାନଙ୍କୁ ଯୋଗ ସମ୍ପର୍କରେ ସଚେତନ କରାଯାଇଥିଲା।
ବର୍ତ୍ତମାନର ବ୍ୟସ୍ତବହୁଳ ଜୀବନଶୈଳୀରେ ନିୟମିତ ଯୋଗାଭ୍ୟାସ ଦ୍ୱାରା ଶରୀର ଏବଂ ମନକୁ କିପରି ସୁସ୍ଥ, ନିରୋଗ ଓ ଶାନ୍ତ ରଖାଯାଇପାରିବ, ସେ ନେଇ ସାଧାରଣ ଲୋକଙ୍କୁ ଉତ୍ସାହିତ ତଥା ପ୍ରେରିତ କରାଯାଇଥିଲା।
ଏହି କାର୍ଯ୍ୟକ୍ରମରେ ଜିଲ୍ଲା ପ୍ରଧାନ ସଂଯୁକ୍ତା ପାଲ ଓ ଜିଲ୍ଲା ମନ୍ତ୍ରୀ ସର୍ବେଶ୍ୱର ପାଲ ଉପସ୍ଥିତ ରହି କାର୍ଯ୍ୟକ୍ରମର ନେତୃତ୍ୱ ନେଇଥିଲେ। ଏଥିସହ ଶୀତଲ ବିହାର କେନ୍ଦ୍ର ସମେତ ଅନ୍ୟାନ୍ୟ କେନ୍ଦ୍ରର ବହୁ ସଂଖ୍ୟାରେ ସାଧକ ଓ ସାଧିକାମାନେ ଯୋଗଦେଇ ପ୍ରଭାତଫେରୀକୁ ସଫଳ କରିଥିଲେ। ସମଗ୍ର ଅଞ୍ଚଳରେ ଯୋଗ ପ୍ରଚାର ଓ ସଚେତନତା ସୃଷ୍ଟି କରିବା ପାଇଁ ସଂସ୍ଥାନ ପକ୍ଷରୁ ଆଗାମୀ ଦିନରେ ଏଭଳି ପ୍ରୟାସ ଜାରି ରହିବ ବୋଲି ପ୍ରକାଶ ପାଇଛି।