ରାୟଗଡା (ତପନ କାଡ୍ରାକା) ଜିଟିଭି ଭାରତ ଓଡିଆ ଡିଜିଟାଲ ନ୍ଯୁଜ୍ ଚାନେଲର ଅଷ୍ଟମ ବାର୍ଷିକ ଉତ୍ସବ ରାୟଗଡ ସଦର ମହକୁମା ସ୍ଥିତ ଲାୟନ୍ସ କ୍ଲବ ସଭାଗୃହ ଠାରେ ପ୍ରତିଷ୍ଠାତା ସମ୍ପାଦକ ଶ୍ରୀ ରାମଦାସ ଲିମାଙ୍କ ସଭାପତିତ୍ବରେ ମହାଆଡମ୍ବରରେ ପାଳିତ ହୋଇଯାଇଛି | ଉକ୍ତ ଉତ୍ସବରେ ରାୟଗଡ ବିଧାୟକ ଶ୍ରୀଯୁକ୍ତ କାଡ୍ରାକା ଆପାଲସ୍ବାମୀ ମୁଖ୍ଯ ଅତିଥିଭାବେ ଯୋଗଦେଇ ସାମ୍ବାଦିକ ଏକ ହେଲେ ଜିଲ୍ଲା ଓ ରାଜ୍ଯର ବିକାଶ ହେବ ବୋଲି କହିବା ସହ ସାମ୍ବାଦିକଙ୍କ ବିଭିନ୍ନ ସମସ୍ଯା ସମ୍ପର୍କରେ ଆଲୋକପାତ କରିଥିଲେ | ପୁଣି କହିଥିଲେ ସାମ୍ବାଦିକ ପ୍ରତ୍ଯକ୍ଷ ଭାବେ ଘଟଣାର ପୁଙ୍ଖାନୁପୁଙ୍ଖ ସତ୍ଯସତ୍ଯା ଜାଣିବା ଦରକାର, ସଭାସମିତି ଓ ପ୍ରଶାସନର ବୌଠକ ସମ୍ପର୍କୀତ ଖବର ଗୁଡିକ ସିଧାସଳଖ ପ୍ରକାଶ ଓ ପ୍ରସାରଣ କରୁଛନ୍ତି | ସାମ୍ବାଦିକ ମାନେ ଚାରିଭାଗରେ ଭାଗଭାଗ ହୋଇଥିବାରୁ ଶାସକ ନା ପ୍ରଶାସନ ତାଙ୍କୁ ଗୁରୁତ୍ବ ଦେଉନଥିବା ଭଳି ମନେ ହେଉଛି | ସାମ୍ବାଦିକଙ୍କ ସମସ୍ଯା ସମ୍ପର୍କରେ ମୁଁ ଗାଁରୁ ବିଧାନସଭା ଯାଏଁ ସ୍ବର ଉତ୍ତୋଳନ କରିଛି | ବିଧାନ ସଭାରେ ପ୍ରଶ୍ନ କରିଛି | ତତ୍କାଳିନ ସରକାର ସାମ୍ବାଦିକଙ୍କୁ ଦେଇଛନ୍ତି ଗୃହ ଓ ଗାଡି ଋଣ 3 ଟଙ୍କା ସୁଧହାରରେ ଯାହା ଯେଉଁ ସାମ୍ବାଦିକଙ୍କ ବାର୍ଷିକ ଆୟ 50 ହଜାର ଟଙ୍କାରୁ କମ୍ ରହିଥିବ | ଏ କିପ୍ରକାର ନିୟମ ଜଣେ ସାମ୍ବାଦିଙ୍କୁ ଗୋଟିଏ ମଟର ସାଇକଲ୍, ଗୋଟିଏ ମୋବାଇର ଅତ୍ଯନ୍ତ ଆବଶ୍ଯକ, ଏହା ନଥିଲେ ଆଜର ଦିନରେ ସାମ୍ବାଦିକ କରିବା କଷ୍ଟକର ହୋଇପଡିବ | ଗାଡି ଖର୍ଚ୍ଚ ଓ ଅନ୍ଯାନ୍ଯ ତଥା ପରିବାର ପ୍ରତିପୋଷଣ ଦେଖିଲେ ସରକାରଙ୍କ ଧାର୍ଯ୍ଯସୀମା ଠାରୁ ଟପିଯିବ ତେବେ କେମିତି ସେହି ସୁବିଧା ପାଇବେ ବୋଲି ପ୍ରଶ୍ନ କରିଥିଲେ |ତେବେ ସାମ୍ବାଦିକ ଏକ ନହେଲେ ବିଧାୟକ ଯେତେ ଟାଣିଉଟାରି ହେଲେ ମଧ୍ଯ ସାମ୍ବାଦିକଙ୍କ ସମସ୍ଯା ସମାଧାନ ହୋଇପାରିବ ନାହିଁ |