ରାଜଗାଙ୍ଗପୁର: ନଭେମ୍ବର ୨୭/୨୮, ୨୦୨୫ ରେ, ରାଣୀବନ୍ଧ ନିକଟରେ ବିଳମ୍ବିତ ରାତି ପାଟ୍ରୋଲିଂ ସମୟରେ, ରାଜଗାଙ୍ଗପୁର ପୋଲିସ ୫ ଜଣେ ଡକାୟତଙ୍କୁ ଡକାୟତି ଯୋଜନା କରୁଥିବା ବେଳେ ଗିରଫ କରିଥିଲା। ଡକାୟତ ଅପରାଧ ଘଟାଇବା ପୂର୍ବରୁ ଧରାପଡ଼ିଥିଲା। ବିଶେଷ ସୂତ୍ରରୁ ଖବର ପାଇ ରାଜଗାଙ୍ଗପୁର ପୋଲିସ ଏକ ଟୀମ ଗଠିତ କରି ରାଣୀବନ୍ଧ ହକି ଗ୍ରାଉଣ୍ଡରେ ଅତର୍କିତ ଚଢାଉ କରିଥିଲା ଏବଂ ପେଟ୍ରୋଲ ପମ୍ପ ଡକାୟତି ପାଇଁ ବିପଦପୂର୍ଣ୍ଣ ଅସ୍ତ୍ରଶସ୍ତ୍ର ସହିତ ଏକାଠି ହୋଇଥିବା ପାଞ୍ଚ ଜଣଙ୍କୁ ଗିରଫ କରିଥିଲା। ଚଢାଉ ସମୟରେ, ଅଭିଯୁକ୍ତମାନଙ୍କ ମଧ୍ୟରୁ ଜଣେ ପୋଲିସ କନଷ୍ଟେବଳଙ୍କୁ ଛୁରା ମାଡ଼ କରିବାକୁ ଚେଷ୍ଟା କରିଥିଲା, କିନ୍ତୁ ଶୀଘ୍ର କାର୍ଯ୍ୟ କରି ରାଜଗାଙ୍ଗପୁର ପୋଲିସ ଆକ୍ରମଣକାରୀଙ୍କୁ ଗିରଫ କରିଥିଲା, ଯାହା ଫଳରେ ଏକ ବଡ଼ ଦୁର୍ଘଟଣା ଏଡାଇ ଯାଇଥିଲା। ରାଜଗାଙ୍ଗପୁର ପୋଲିସ ଡକାୟତ ମାନଙ୍କ ପାଖରୁ ଅପରାଧ ଘଟାଇବା ପାଇଁ ବ୍ୟବହୃତ ଅସ୍ତ୍ରଶସ୍ତ୍ର ଏବଂ ଉପକରଣ ଜବତ କରିଛି, ଯେଉଁଥିରେ ଏକ ଦେଶୀ ବନ୍ଧୁକ, ଗୋଟିଏ ଲୁହା ଖଣ୍ଡା, ଗୋଟିଏ ଲୁହା ରଡ୍, ଗୋଟିଏ ଛୁରୀ, ପାଞ୍ଚଟି ମୋବାଇଲ୍ ଫୋନ୍, ମୋଟ ୭,୬୪୦ ଟଙ୍କା ନଗଦ, ପାଞ୍ଚଟି ମାସ୍କ ଏବଂ ଏକ ସ୍କୁଟି ଜବତ କ୍ରାଯାଇଥିଲା ଓ ଏହି ସମ୍ପର୍କରେ, ରାଜଗାଙ୍ଗପୁର ଥାନାରେ ମାମଲା ସଂଖ୍ୟା ୬୨୮/୨୫, ତାରିଖ ୨୮.୧୧.୨୦୨୫ ରେ ଧାରା ୩୧୦(୪) / ୩୧୯(୫) / ୧୦୯(୧) ବିଏନଏସ ଏବଂ 25 ଆର୍ମ୍ସ ଆକ୍ଟ ଅନୁଯାୟୀ ଏକ ମାମଲା ରୁଜୁ କରି ସମସ୍ତ ଅଭିଯୁକ୍ତ ମାନଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି ।
ରାଜଗାଙ୍ଗପୁରରୁ ଅବଦୁଲ ରଜାକ ଖାନ