ନୂଆଦିଲ୍ଲୀ,୧୪।୧୨ : ପାଶ୍ଚାତ୍ୟ ଦେଶଗୁଡିକ ରୁଷିଆର ଅଶୋଧିତ ତୈଳ ଉପରେ ବ୍ୟାରେଲ ପିଛା ଅତି କମରେ ୬୦ଡଲାରର ପ୍ରାଇସ୍ କ୍ୟାପ୍ ଲଗାଇଛନ୍ତି। ଏହା ପରେ ମଧ୍ୟ ଭାରତ ବହୁତ କମ୍ରେ ତୈଳ ପାଇବା ଜାରି ରଖିବ। ଏହି ପ୍ରତିବନ୍ଧକ ପରେ ମଧ୍ୟ ଭାରତ ବ୍ୟାରେଲ ପିଛା ୬୦ଡଲାରରୁ କମ ଦରରେ ତୈଳ ପାଇବା ଜାରି ରଖିବାର ସମ୍ଭାବନା ରହିଛି। ଆମେରିକା ସମେତ ଅନେକ ପାଶ୍ଚାତ୍ୟ ଦେଶ ପକ୍ଷରୁ ଭାରତର ପ୍ରାଇସ୍ କ୍ୟାପ ନୀତିକୁ ସମର୍ଥନ କରା ଯାଇ ନ ଥିଲା। ଭାରତ କ୍ରମାଗତ ଭାବେ କ୍ରୟ କରୁଥିବା ରୁଷିଆ ତୈଳର ମୂଲ୍ୟ ବର୍ତ୍ତମାନ ବ୍ୟାରେଲ ପିଛା ୪୯ ଡଲାରରେ ପହଞ୍ଚିଛି। ଏଥିରୁ ସ୍ପଷ୍ଟ ଯେ ଭାରତ ଏଥିରୁ ଏକ ବଡ଼ ଲାଭ ପାଇବାର ସମ୍ଭାବନା ରହିଛି।
ଶିଳ୍ପ ସହ ଜଡିତ ଅନେକ ଅଧିକାରୀ ଏବଂ ଲୋକ କହିଛନ୍ତି ଯେ ଭାରତ ସମ୍ମୁଖରେ ରୁଷିଆରୁ ତୈଳ ପରିବହନରେକୌଣସି ସମସ୍ୟା ନାହିଁ। ଏଥିପାଇଁ ଭାରତ ପାଶ୍ଚାତ୍ୟ ଦେଶ କ୍ରୁଜ ଉପରେ ନିର୍ଭର କରେ ନାହିଁ। ସେଥିପାଇଁ ଭାରତରେ ଶସ୍ତା ତୈଳର ଉପଲବ୍ଧତା ଜାରି ରହିବ। ଆମେରିକା ଏବଂ ଏହାର ସହଯୋଗୀମାନେ ନିଷ୍ପତ୍ତି ନେଇଛନ୍ତି ଯେ ଯେଉଁମାନେ ବ୍ୟାରେଲ ପିଛା ୬୦ ଡଲାରରୁ ଅଧିକ ମୂଲ୍ୟରେ ରୁଷିଆରୁ ତୈଳ କିଣୁଛନ୍ତି ସେମାନଙ୍କୁ ପରିବହନ ଏବଂ ବୀମା ସୁବିଧା ପ୍ରଦାନ କରିବେ ନାହିଁ। ଏ ବାବଦରେ ଜଣେ ବିଶେଷଜ୍ଞ କହିଛନ୍ତି ଯେ ଯଦିଓ ପାଶ୍ଚାତ୍ୟ ଦେଶଗୁଡିକ କଟକଣା ଲାଗୁ କରୁଛନ୍ତି, ସେମାନେ ଚାହୁଁଛନ୍ତି ଯେ ରୁଷିଆର ତୈଳ କେହି ନ କିଣନ୍ତୁ। ଯଦି ଏହା ଘଟେ, ବଜାରରେ ବହୁତ ଅସ୍ଥିରତା ଦେଖାଯିବ ।
ଏବେ ପ୍ରଶ୍ନ ହେଉଛି ପାଶ୍ଚାତ୍ୟ ଦେଶଗୁଡିକ ରୁଷିଆର ତୈଳ ଉପରେ ମୂଲ୍ୟ କ୍ୟାପ କାହିଁକି ରଖୁଛନ୍ତି? ବିଶେଷଜ୍ଞମାନେ କହିଛନ୍ତି ଯେ ରୁଷିଆର ତେଲର କମ ମୂଲ୍ୟ ସ୍ଥିର ହେଲେ ଭ୍ଲାଡିମିର ପୁଟିନ ସରକାର ତୈଳ ଉତ୍ପାଦନ ହ୍ରାସ କରିବାକୁ ରାଜି ହୋଇପାରନ୍ତି। ବର୍ତ୍ତମାନ ପର୍ଯ୍ୟନ୍ତ, ରୁଷିଆ ସୌଦି ଆରବ ସହିତ ମିଶି ତୈଳ ଉତ୍ପାଦନରେ ଅଭିବୃଦ୍ଧି ବଜାୟ ରଖିବାକୁ ନିଷ୍ପତ୍ତି ନେଇଛି। ପାଶ୍ଚାତ୍ୟ ଦେଶଗୁଡିକ ଆଶା କରୁଛନ୍ତି ଯେ ମୂଲ୍ୟ କ୍ୟାପ ଲଗାଇଲେ ରୁଷିଆ ତୈଳ ଉତ୍ପାଦନ ହ୍ରାସ କରିବ ଏବଂ ଏହା ବିଶ୍ୱ ତୈଳ ମୂଲ୍ୟରେ ସ୍ଥିରତା ବଜାୟ ରଖିବ, ଯାହା ସେମାନଙ୍କ ପାଇଁ ଲାଭଦାୟକ ହେବ। ଏହା ବ୍ୟତୀତ ସେମାନେ ଅନ୍ୟ ଦେଶମାନଙ୍କୁ ମଧ୍ୟ ରୁଷିଆ ସହିତ ବ୍ୟବସାୟ କରିବାକୁ ରୋକି ପାରିବେ।