( କବି ଶ୍ରୀ ଶମ୍ଭୁନାଥ ଦାସ, ଯାଜପୁର )~~~
ଯେଉଁଠାରେ ଥାଏ ସର୍ବୋଚ୍ଚ ସମ୍ମାନ
ତାହା ଶିକ୍ଷକ ସମାଜ,
ପିତା-ମାତା ତୁଲ୍ୟ ସ୍ନେହ ଶ୍ରଦ୍ଧା ପ୍ରୀତି
ହୃଦେ ରହିଥାଏ ସଜ ।
ମଣିଷ ତିଆରି କାରଖାନା ସତେ
ଗୁରୁକୁଳ ବିଦ୍ୟାଳୟ,
ଗୁରୁଜୀ ଅଟନ୍ତି ନିର୍ମାତା ବା ଯନ୍ତ୍ରୀ
କୌଶଳ ଯେ’ ଅତିଶୟ ।
ଗୁରୁ ବୁଦ୍ଧି ବଳେ ସୃଷ୍ଟି ବିଦ୍ୟାଳୟେ
ଯେ’ ଡାକ୍ତର ବୈଜ୍ଞାନିକ,
ଇଞ୍ଜିନିୟର କି ଦାର୍ଶନିକ ସାଥେ
ଅସଂଖ୍ୟ ଦେଶସେବକ ।
ଶିକ୍ଷକ ସମାଜ ନୀତି-ଆଦର୍ଶରୁ
ଯଦି ହେବେ କକ୍ଷଚ୍ୟୁତ,
ବ୍ୟବସ୍ଥା ବିଧାନ ହୋଇବ ବିଷମ
ଦେଶ ହେବ ଅସ୍ତବ୍ୟସ୍ତ ।
ଶ୍ରଦ୍ଧା ଭକ୍ତି ପ୍ରୀତି ଶୁଭେଚ୍ଛା ସୌହାର୍ଦ୍ଦ୍ୟେ
ବିଶ୍ଵ ଶିକ୍ଷକ ଦିବସ ,
ଆଦର ସମ୍ମାନ ଲଭନ୍ତୁ ଶିକ୍ଷକ
ସମାଜ ହେଉ ସରସ ।
ଶିକ୍ଷା ସଂସ୍କୃତୀୟ ବିଶ୍ବ ଜାତିସଂଘ
ଶିକ୍ଷୟିତୃତ୍ବ ସ୍ବୀକୃତ,
ଊନ୍ନବିଂଶ ଶତ ଚୌରାନବେ ବର୍ଷୁ
ଏହି ଦିବସ ପାଳିତ ।
ସୁସ୍ଥ ସମାଜର ଗଠନ ନିମନ୍ତେ
ଶିକ୍ଷା ନୀତି ଓ ଆଦର୍ଶ,
ହେଉ ଶୁଭଂକର ଶ୍ରଦ୍ଧା-ଶୁଭେଚ୍ଛାରେ
ଭାଳେ ଶମ୍ଭୁନାଥ ଦାସ ।
ଶମ୍ଭୁନାଥ ଦାସକୋଲକାତା
Jatiya Pragati Abhiyan (Society)