ଆଜି ସକାଳେ ଉତ୍ତରପ୍ରଦେଶର ବିଜନୌରରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ଫଳରେ ୭ ଜଣଙ୍କ ଘଟଣାସ୍ଥଳରେ ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ୪ ପୁରୁଷ, ୨ ମହିଳା, ଜଣେ ଝିଅ ଅଛନ୍ତି । ତେବେ ଦୁର୍ଭାଗ୍ୟର କଥା ଏଥିରେ ଜଣେ ନବ ବିବାହିତ ଦମ୍ପତ୍ତିଙ୍କ ଅକାଳ ବିୟୋଗ ହୋଇଛି । ପୋଲିସ ଘଟଣାସ୍ଥଳରେ ପୋଲିସ ପହଞ୍ଚି ଘଟଣାର ଯାଞ୍ଚ ଆରମ୍ଭ କରିଛି । ମୃତ୍ୟୁବରଣ କରିଥିବା ୭ ଜଣଙ୍କ ମଧ୍ୟରେ ୬ ଜଣ ଗୋଟିଏ ପରିବାରର ଥିଲେ। “ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା, କାଲିଠୁ ଅନଲାଇନ ମୋଡରେ ଚାଲିବ ପ୍ରାଇମେରୀ ସ୍କୁଲ” ସୂଚନାଥାଉକି, ବିଜନୌର ବାସିନ୍ଦା ମୋରାଡାବାଦ ରେଳ ଷ୍ଟେସନରୁ ଧାମପୁରକୁ ଆସୁଥିଲେ । ମୃତକଙ୍କ ମଧ୍ୟରୁ ୬ ଜଣ ସମାନ ପରିବାରର ଥିଲେ । ଝାଡଖଣ୍ଡରେ ଏକ ବିବାହ ପରେ ପୁରା ପରିବାର ଘରକୁ ଫେରୁଥିଲେ । ରାସ୍ତାରେ ପୁରା ପରିବାର ଖୁସିରେ ନବବଧୁକୁ ନେଇ ଫେରୁଥିବା ବେଳେ ସେମାନଙ୍କ ଅଟୋକୁ ପଛରୁ ପଟିଥିଲା ଗୋଟିଏ କାର୍ । ଏହି ସମୟରେ ଗାଡିଟିର ସ୍ପିଡ ଅଧିକ ଥିବାରୁ ଭୟଙ୍କର ଦୁର୍ଘଟଣା ଘଟିଥିଲା । ଫଳରେ ଘଟଣାସ୍ଥଳରେ ହିଁ ସମସ୍ତଙ୍କ ମୃତ୍ୟୁ ହୋଇଥିଲା । ଏଥି ସହ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମଧ୍ୟ ଏହି ଘଟଣାରେ ଦୁଃଖ ପ୍ରକାଶ କରିଛନ୍ତି। ସୋସିଆଲ ମିଡିଆ ପ୍ଲାଟଫର୍ମରେ ଏକ ପୋଷ୍ଟ | ସେ ମୃତକଙ୍କ ଶୋକସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି। ସଂପୃକ୍ତ ଜିଲ୍ଲା ପ୍ରଶାସନିକ ଅଧିକାରୀଙ୍କୁ ଘଟଣାସ୍ଥଳରେ ପହଞ୍ଚି ଏବଂ ରିଲିଫ୍ କାର୍ଯ୍ୟକୁ ତ୍ୱରାନ୍ୱିତ କରିବାକୁ ତୁରନ୍ତ ଆହତମାନଙ୍କୁ ଉପଯୁକ୍ତ ଚିକିତ୍ସା ପାଇଁ ଡାକ୍ତରଖାନା ନେବାକୁ ନିର୍ଦ୍ଦେଶ ଦେଇଛନ୍ତି। ଏଥିସହ ଆହତଙ୍କ ଶୀଘ୍ର ଆରୋଗ୍ୟ କାମନା କରିଛନ୍ତି।