ସ୍ବଚ୍ଛ ଆଚରଣ ମଧୁର ବଚନ
ସୁନ୍ଦର ହୃଦୟ ଜାଣ,
ହିଂସା କପଟରେ ଅଶାନ୍ତିର ଝଡ଼
ସର୍ବ ସଂକଟ କାରଣ ।
ଯେଉଁ ପରିବାରେ ସ୍ନେହ ଶ୍ରଦ୍ଧା ପ୍ରୀତି
ଭକ୍ତିଭାବ ପରସ୍ପର,
ସେହି ପରିବାରେ ଶାନ୍ତି ପରିବେଶ
ସୁବାସିତ ନିରନ୍ତର ।
ଆନ୍ତର୍ଜାତୀୟ ଶାନ୍ତି ଦିବସରେ
ଶୁଭେଚ୍ଛା ହୃଦ ଚନ୍ଦନ,
ସମ୍ପଦେ ନ ଥାଏ ଶାନ୍ତି’ର ମହକ
ଜନ-ସେବାର ସ୍ଫୁଟନ ।
ସୁଖ ଦୁଃଖ ଯିଏ ଭାବେ ଏକାକାର
ତା’ ହୃଦେ ଶାନ୍ତି ଧାରଣ,
ସମସ୍ୟାରେ ଭୀତି ସମାଧାନେ ଶାନ୍ତି
ଲୋଭ କଳହ ବାରଣ ।
ସତ୍ୟ ଧର୍ମ ଦୟା କ୍ଷମା ଅହିଂସା’ରେ
ଶାନ୍ତି’ର ବାସ୍ନା ଚନ୍ଦନ,
ଶାନ୍ତି ଦିବସ’ର ଶୁଭ ସଂକେତରେ
ସର୍ବେ ଭବନ୍ତୁ ସୁଖିନଃ ।